6個女人6種靚法!胡說八道會,你覺得邊個最正?

2017/09/20

而家大台播緊嘅《胡說八道真情假期》,由胡蓓蔚、胡杏兒、姚子羚、李施嬅、胡定欣同黃智雯一行六人組成嘅「胡說八道會」衝出香港,去澳洲旅行。

頭兩集個個一講起感性嘢,就已經即刻哭哭啼啼;遇到開心事又會不停尖叫,有啲觀眾直言頂唔順,但至少證明六個女仔的確感情深厚,節目入面嘅全部都係香港女仔同朋友出街遊玩時會表現嘅真實反應!

對於呢種閨蜜之情,男人可能成世都唔會明白,但咁啱之前寫過講姚子羚、李施嬅同胡定欣嘅文,都引來大家熱烈討論,今次有齊佢地三個,再加埋胡蓓蔚、胡杏兒同黃智雯,點都應該出篇文講下既。

「胡說八道會」入面嘅六個女人,各有各嘅美艷動人之處,唔知你又最鍾意邊個呢?

 

#1 「賢妻型」胡蓓蔚

「胡說八道會」入面,「豹嫂」胡蓓蔚年紀最大,亦係最早結婚,所以六個女人當中最成熟最有韻味都係佢。

胡蓓蔚除咗係歌手,仲做過節目主持,係節目《胡說八道真情假期》都可以睇得出佢轉數快,有智慧,處事冷靜而淡定,好識給予寶貴嘅意見,絕對係值得信賴嘅賢妻型。

胡杏兒結婚時,佢仲擔任姊妹團團長嘅角色,可見係其他好友心目中,佢都係最佳嘅大家姐人選。

 

#2「事業型」胡杏兒

胡杏兒1999年參選香港小姐入行後,自此拍劇不斷,由初出道嘅《流金歲月》同《衝上雲霄》,做到令佢一躍成為當家花旦嘅《肥田囍事》同《我的野蠻奶奶》,以至視后之作《怒火街頭》同《萬凰之王》,足見胡杏兒係演藝事業上嘅孜孜不倦。

約滿離開大台後,佢同時裝禮服設計師Kev Yiu合作開設自家品牌婚紗店「KEVOLIE」,成為老闆娘兼行政總裁。婚紗店最近宣佈進軍內地市場,會係上海開分店,胡杏兒十足事業女強人。

仲記得以前佢嘅囧樣俾大家笑咗好耐,但自從佢成為時裝品牌老闆娘後,衣著打扮比以前更有時尚和魅力。

 

#3 「女神型」姚子羚

「表哥」姚子羚真係好靚!如果要筆者揀「胡說八道會」最靚嗰個,唔洗諗,一定係表哥!

姚子羚不單樣靚演技好,仲係《胡說八道真情假期》露背按摩,非常搶鏡。佢嘅感情生活一直保持低調,直至近日佢同男友鄭子邦被傳好事近,先大方地一齊公開露面。上集胡杏兒仲扮成鄭子邦,同姚子羚預演婚禮。

 

#4「公主型」李施嬅

李施嬅係公主,唔係話佢有公主病,而係佢本身出身尚算富裕,好識品味生活,熟悉邊度有好嘢食、邊度間spa一流等等,加上談吐舉止都非常優雅,好似活係童話世界出淤泥而不染嘅公主一樣。

節目中,其他姊妹仲大爆佢屋企有個大衣櫃,入面有好多衫根本冇著過!

 

#5「上進型」胡定欣

同胡杏兒一樣,胡定欣都係入行後,就劇接劇咁一路拍,由跑龍套做到配角,再由配角晉身成為兩屆視后,「飛躍進步女藝員」、「最佳女配角」同「最佳女主角」三個獎全部攞過哂(差「我最喜愛電視女角色」就可以成為繼楊怡之後嘅大滿貫)。

睇番胡定欣過往嘅得獎感言,你會feel到胡定欣係一個目標清晰嘅人,一有咗明確目標,就會努力上進地進發,所以當佢得獎時,佢會表現得自信滿滿,唔會為咗表現謙虛,而刻意抹煞自己嘅努力,又唔會好似台慶其他人咁成日講埋啲行貨說話。

 

#6 「傻大姐型」黃智雯

黃智雯係「胡說八道會」年紀最細,亦被認為係最傻最呆嗰個,係節目中更被戲稱阿Dus。

呢類傻更更嘅女仔,雖然大頭蝦,姚子羚仲話坐佢車更係充滿驚險,但就好就得人,仲會不時引發笑料,令你好想照顧佢添!

你可能感興趣

韓國偶像的神仙髮量普通人也能擁有?打造偶像蓬鬆髮量好物大公開
這些衣服也「泰」好看了吧~泰國小眾服裝潮牌大公開
一起來當個清爽女孩:舞台上的偶像不出汗的秘密大公開
最新文章
怕冷女生的必收品,日系長款外套大集合!
[FASHION] 7 hours ago
就是要可可愛愛!三款超萌Hello Kitty立體口罩
[LIFESTYLE] 11 hours ago
聖誕美甲提案!超應景雪人、麋鹿陪你過暖冬!
[LIFESTYLE] 11 hours ago
日系冬日帽子美款推介 保暖同時充滿時尚感!
[FASHION] 2021/11/29
冬日穿搭必備鞋子 七款日韓新款皮靴分享!
[FASHION] 2021/11/29
熱門文章
狄維莊遜挑戰大猩猩!《末日困獸戰》連場大製作向街機遊戲致敬!
2018/04/03
瑞士天梭表全球首間期間限定咖啡店即將登場,「第一代文青女神」蔣雅文擔任Café文青顧問!
2018/03/29
黑豹都要企埋一邊?Captain Marvel將是Marvel最強英雄!
2018/03/27
Rotten Tomatoes 100%!《無聲絕境》無聲勝有聲,獲影評激讚!
2018/03/26
全新劇情!《廿二世紀殺人網絡》有望回歸?
2018/03/26