幾日前湯洛雯係Instagram post咗一條題為「一秒變索女」嘅短片，片中佢同妹妹湯樂瑤輕輕一撥頭髮，即刻吸引逾五萬名網民觀看，大家都大讚湯氏基因優良，兩姊妹都美艷過人。

其實古今中外嘅娛樂圈，都出咗好多對出名嘅姊妹花，兩姊妹都係一樣咁靚，簡直係贏在基因裡！

#1 周汶錡 & 周麗淇

提起香港有邊對姊妹，第一時間諗起嘅就係周汶錡同周麗淇。

家姐周汶錡身型高佻，成為90年代炙手可熱的模特兒，她亦曾主持大台的飲食節目，現已成為人妻，育有兩名兒子。

妹妹周麗淇本來都係模特兒，直至拍2001年拍電影《百分百感覺2》同《玉女添丁》先轉型做演員，其後係大台拍咗唔少高收視劇集，如《秀才遇著兵》、《天幕下的戀人》同《我的如意狼君》等。

#2 Jessica & Krystal

韓國方面，前少女時代成員Jessica同f(x)成員Krystal堪稱韓國藝能界嘅最靚姊妹！

Jessica退出少女時代之後，除咗solo發展音樂之外，仲推出專屬個人品牌，又賣墨鏡又賣頸巾，嚟緊佢仲會嚟香港舉行個人演唱會「On Cloud Nine Concert in Hong Kong」同粉絲見面。

妹妹Krystal自從2013年拍咗《繼承者們》後，開始致力係戲劇方面發展，係《對我而言可愛的她》同上一季嘅《河伯的新娘》都擔任要角。

#3 徐熙媛 & 徐熙娣

講到台灣最有地位嘅兩姊妹，當然就係大S同小S！

大小S當年以歌手組合，又一齊擔任主持。徐熙媛2001年憑《流星花園》中杉菜一角紅遍亞洲，現已下嫁汪小菲，育有一子一女。

徐熙娣則與蔡康永一同主持節目《康熙來了》，憑節目中幽默麻辣的風格，讓她在兩岸三地的知名度大為提升，《康熙來了》一年前畫上句號，觀眾大呼不捨。

#4 Gigi Hadid & Bella Hadid

至於國際知名嘅姊妹花，可能就係呢對model！

Gigi Hadid同Bella Hadid曾同時擔任Victoria’s Secret的VS Angel，兩姊妹一齊拍住上，吸金力驚人！家姐Gigi sell陽光性感，一頭金髮顯得更加高貴脫俗；妹妹Bella天生一副厭世臉（簡稱「西面」），形象反叛冷酷。

#5 衛蘭 & 衛詩

衛蘭同衛詩雖然唔係sell靚，但都算係香港為人認識嘅姊妹檔。

衛蘭今年狀憑大勇，《驗傷》、《天敵》、《一格格》等歌首首大熱，有望攞女歌手金獎。衛詩經過藏毒事件之後，重返香港樂壇。

#6 楊卓娜 & 楊怡

楊卓娜同楊怡都係TVB藝員，但細妹楊怡成為一線花旦時，楊卓娜仍然演緊寂寂無聞嘅小角色，直至《愛．回家》憑「霞姐」一角得到觀眾關注，捱足16年，終於做到戲份較重嘅女配角位置。

而楊怡下嫁羅仲謙，約滿大台之後，就主力發展舞台劇，不過早前就以外邀方式回巢拍《再創世紀》。

#7 張寶兒 & 張寶欣

今屆港姐五強之一張寶欣，奪得「Big Big Channel最受歡迎香港小姐」，並由上屆友誼小姐得主，同時自己胞姊張寶兒親自頒獎。