上次同大家講過今年直間條紋恤衫大熱，當時仲未出道嘅韓國男團Wanna One拍攝雜誌畫報時已經著咗，直間條紋恤衫順理成章更加成為熱潮，潮流仲蔓延至香港，呢排出街都見到好多少男少女走在潮流尖端，著呢款恤衫（如果你都見到，可能嗰個其實係我嚟）。

到而家，Wanna One已經正式出道，成為今年韓國最火紅嘅人氣男團，佢地所穿搭嘅衫褲鞋襪，點會唔更加成為大家備受追捧嘅潮物呢？

早排，佢地成為品牌K-Swiss嘅代言人，仲拍攝咗一輯形象廣告。廣告入面展示出K-Swiss幾款系列嘅運動鞋。

去過韓國嘅人都知道，韓國嘅地鐵站冇升降機，成日都要行上行落，斜坡又多，日行一萬步係不足為奇嘅事，所以韓國當地人人都要一款舒適嘅運動鞋。

K-Swiss Gen K Icon系列

係Wanna One條廣告片出現嘅K-Swiss Gen K Icon系列白鞋，以「下個世紀的未來鞋款」為主軸。鞋款踏實耐穿，細節部分設計非常有心思，不單鞋舌部分，連鞋底都印有Logo字樣，充滿驚喜感，別出心裁。

Wanna One出席活動時，都係著呢款鞋，證明係幾咁方便活動。

Hoke系列

影片中嘅另一款鞋，就係經典Hoke系列。今年推出新配色，鞋面嘅五線譜標記，改用未來感十足嘅反光鐳射飾條，唔同嘅角度仲會折射出唔同嘅絢麗光芒，低調中見奢華感。如果覺得素色鞋款太單寡，經典Hoke系列一定係你嘅首選！

唔單止代言人Wanne One有著K-Swiss嘅運動鞋，李敏鎬、朴寶劍同高庾杓都著過，證明K-Swiss嘅運動鞋系列已經成為大勢了！