其實日本係仲有死刑，不過除咗好重罪嘅罪犯之外，都唔會採用死刑。其中一個原因就係死刑需要法務大臣簽署之後先可以執行，而大多數嘅人都唔願意充當呢個角色。而且日本採用嘅死刑程序睇落好似好人性化，但諗深一層可能只不過係偽善嘅包裝。

死囚唔會知道幾時行刑

死囚喺行刑之前就會離開監獄，而去到看守所進行單獨囚禁。為咗防止死囚自殺，死囚係唔會知行刑時間，直到行刑嗰朝會先由刑務官帶去刑場。

日本用緊嘅死刑係古法絞刑

行刑嗰陣首先死囚要企喺一個祭台上面，然後有人會會蒙起佢隻眼同戴上手銬，跟著就套一條紋繩喺條頸到。當祭台嘅活門打開嘅時候，死囚就會瞬間從高處墮落，目的係極速拆斷死囚嘅頸椎，令佢失去知覺，最後心臟停止致死。

三個行刑官同時撳掣

為咗避免行刑官有太大嘅心理壓力，控制祭台活門嘅掣有三個。執行死刑嗰陣，三個行刑官就會同時撳掣，但其中只有一個係真，所以佢哋自己唔會知道邊個觸發個機關。