世界大戰抹黑宇宙了…王老吉同加多寶嘅大戰由2010年開始，戰場從商標訴訟丶包裝專利訴訟，去到廣告語糾紛。Finally，終於打到去最高人民法院，證明世界大戰都有落幕嘅一日。點知最高人民法院嘅最終判決竟然係：既然大家都咁開心！今Round就打和啦！Super！

好啦…唔講笑。最高人民法院終審判決認為，廣藥集團同加多寶公司對涉案「紅罐王老吉涼茶」包裝裝潢權益嘅形成都作出咗重要貢獻，所以雙方可以喺唔損害他人合法利益嘅前提下，共同享有「紅罐王老吉涼茶」包裝裝潢嘅權益。

不過…一開始唔係就因為利益問題所以先打官司咩？有網友指廣藥把兒子「王老吉」遺棄了，加多寶接手把「王老吉」培育成才後，廣藥又要奪回撫養權。咁究竟呢個判決對邊個有利呢？真真假假我真係分唔清啦…