所謂色字頭上一把刀，內地嘅人一早深知呢個道理，仲睇得出呢個係一個發達嘅好機會，所以有內地APP用「充值睇咸片」嘅方式日賺200萬。

原理其實唔難，就係當大家睇緊網站嘅時候就會突然彈廣告出嚟。當大家睇到呢啲色情廣告嘅時候，血氣方剛嘅朋友就會立即充血……隻手指，然後就當然click落去睇啦。點知睇完20秒就停咗，剩低嘅係「想看全片需充值」嘅link。

呢個moment就比較尷尬，隻手指啲血充到咁行，唔放血實在講唔過去。咁我哋專一嘅男人嚟嘛，上網搵另一條免費片睇呢啲行為就絕對唔要得。睇咗20秒證明我哋都有緣份，就點都要睇完呢條片，所以升級至「超級會員」都非常合理。

點知一升就出事，畀完錢之後又係睇得嗰20秒。你唔係要我做快槍手啊？真相其實所謂嘅「完整影片」同「終身使用權」並不存在，所謂嘅全片都只係有1分鐘左右。

據報道，呢類APP每日有成20幾萬下載量，8萬多次增值，每筆增值30蚊左右。經過簡單計算，每日就收200萬左右，一年就幾億啦！不過今年5月廣東警方就KO咗叫「某澀影音」嘅APP，不過呢類嘅APP仲有好多，大家最好管好自己隻手指嘞！