我哋都知道日本一年就會出一套蒙面超人，直至宜家都不停出緊。蒙面超人主角呢個位置向來都係新進男演員想得到嘅角色，蒙面超人大多數都係演員嘅出道作或者頭幾部作品。相比起戰隊同超人等都係特攝嘅系列，蒙面超人嘅曝光率係比較高。就好似當年TVB歌星未紅之前都會唱兒歌咁，唔少演蒙面超人嘅演員日後都紅咗。其中有幾個更加係成為一線「老是常出現」演員。
電王 佐藤健
電王可以話係平成蒙面超人入面最紅嘅一套，單單係正篇完咗之後，劇場版都出咗成6,7套。而異魔神上身嘅設定，佐藤健要演成4,5個性格嘅良太郎，令佢嘅演技完全展示畀大家。而宜家佐藤健仍然非常活躍，就係上年出演《何者》呢套電影，同有村架純丶二階堂富美丶菅田將暉(佢都係拉打)丶岡田將生同山田孝之共演，可以話係非常勁嘅卡士。而佢亦將會主演《亞人》真人版電影，大家可以好好期待。
W 菅田將暉
菅田將暉演W嘅時候只有16歲，「史上最年輕騎士」呢個名都夠哂威。雖然W係二為一體嘅蒙面超人，所有係有2個主角，不過都足夠畀大家認識到呢個年輕演員。之後佢開始接拍電視劇同電影，其中一樣好爆就係佢喺《海月姬》挑戰著女裝嘅角色！最屈機係佢令觀眾已經再分唔清男同女嘅界線。同埋翻查數據之後，就發現從15年起，唔計客串佢都已經參演過 14 部電影……數字仍然上升中。
Fourze 福士蒼汰
雖然出演Fourze嗰陣個髮型非常奇怪，但福士蒼汰其實係一個非常靚仔嘅男演員，所以Fourze完咗之後都接咗唔少雜誌封面嘅工作。而電視和電影作品幾乎都係同一線女星做對手戲，例如《閃爍的愛情》丶有村架純同《今天不上班》嘅綾瀨遙……
