雖然喺上一輩四年抱三或者五年抱四絕對唔係咩新奇嘅事。不過時代已經慢慢變緊，宜家造人功力高嘅人已經唔多。

而林盛斌（Bob）就係其中一個「高手」，一共有三個女：大女林霏兒（Faye）丶二女林熹兒（Haye）同幼女林機兒（Kaye）。不過近排佢接受訪嗰陣就話有諗過結紮，打算同身邊幾個有興趣嘅男藝人一齊「組團結紮」。將結紮當係送畀太太嘅禮物呢個想像真係非常有創意。然後佢被問到其中一個男同事係咪陳豪，佢就話：「可能佢想繼續生呢？」

陳豪同陳茵媺都係熱衷造人嘅一對，結婚後三年抱三，宜家暫時有兩男一女。

陳浩民就係五年抱四級數嘅人馬，有兩個仔兩個女。佢曾經係訪問到講話「小別勝新婚」係造人嘅秘訣，因為工作而成日分隔兩地，難得翻屋企嘅時候就自然更加肉緊。

輕輕鬆鬆鄧梓峰造人都非常輕鬆，除咗大女之外，仲有孖仔！最後都有埋細女收尾！