今次真係要同阿伯講聲「好心你90歲人唔好咁多性幻想啦」。據唔可靠嘅情報顯示，呢單風化案有可能破到健力士世界紀錄，今鋪真係揚威國際嘞……

事源係咁嘅…話說秀茂坪嘅一間安老院竟然有個91歲阿伯非禮另一個91歲婆婆！有女職員喺凌晨發現91歲女院友竟然畀91歲阿伯除哂衫，個阿伯仲要壓喺婆婆上面。

仲有，其實婆婆係有認知障礙症。無論幾多歲廢青定廢老，呢啲可恥嘅犯罪實在唔可以接受！仲要有消息指，類似情況已經唔係第一次發生。所以有可能喺唔同老人院仲有類似嘅事發生，所以希望今次事件可以引起大家嘅留意，盡可能令相關機構監管多啲啦！