聽日就係大家期待已久嘅情人節啦，對好多人來講可能係浪漫嘅節日，但係對於唔少來講都係頭痛嘅節日，因為又要考慮去邊好，食咩好，買咩禮物好~唔洗頭痛，我哋幫你，小編就搵左3個打卡幾靚嘅商場比大家，食完飯去打下卡就啱啦！

1.MOKO 新世紀廣場
「幸福光影長廊」

呢度有500盞粉紅花燈，形成一條9米嘅長廊，行過真係覺得特別夢幻！

情侶來呢度打卡最啱啦~但係提一提大家，呢個打卡位唔算好大，可以影相嘅位置都係有限，而且打卡位係兒童遊樂場隔離~所以大家去之前要考慮清楚啦！

2.新都會廣場「戀戀花海」

呢個地方係三大打卡位之中最大同埋最有誠意嘅，有戀愛三部曲同埋戀戀花海幾大主題攝影區，可以影到好多個唔同嘅背景呀~專程搭車過來都抵！
告白愛心台

超靚打卡玫瑰花墻~係女仔經過必影嘅打卡位！

3.黃大仙「七色彩虹風車墻」

黃大仙中心用 16,888 個獨立風車打造高達 6.8 米的「好運風車陣」,挑戰「最大規模風車展示」健力士世界紀錄，真係落足本呀~
入到去都覺得好靚呀~而且風車有轉運嘅意頭，新年過來轉一轉，狗年嘅運氣都會好好多呀~！

而且呢度有影相服務，仲有高空攝影頭！只要上載相之後 hashtag #黃大仙中心,就可以入風車拍照區拍攝啦！