化妝係一件麻煩嘅事情，特別係化眼影，又要襯色又要整出漸層效果，慢慢化真係可以化半個鐘呀！聽講有種眼影非常適合懶人用，來自韓國品牌韓國化妝品牌16 Brand，只要3秒時間，就可以化出漸層效果~

上次幫大家試完磁石眼睫毛，今次為小編又為大家試呢個好熱門嘅懶人眼影~

佢嘅包裝都非常吸引，好似一本時尚雜誌咁樣，但係打開之後發展盒眼影都幾細盒，真係小巧玲瓏呀。

眼影有兩種顏色，上層係香檳金，下係層深咖啡，仲有一個細長扁平嘅掃比你沾取眼影。

眼影搽上手唔算太顯色，要來回掃幾次先睇到顏色。

化上眼顏色比較自然，從眼窩開始分別向眼頭同眼尾掃開~

香檳金同埋深咖啡兩種顏色都襯得唔錯，如果你想要深邃嘅效果，可以來回掃多幾次。

用咗眼影嘅一邊眼明顯更大更有神~

一盒大約港幣100蚊，小編覺得都幾貴呀，CP值唔算高哦~但係顏色唔錯，確實幾方便，如果鐘意不妨買來試試啦！

價錢：港幣$98
購自：Pink House
地址: 銅鑼灣富明街1號寶富大廈3樓C室
電話:3493-3538