好多時候女生覺得靚，男生都唔一定鍾意，甚至會覺得醜，男生嘅審美觀實在太難理解喇！今次等小編為大家票選男生眼中最討厭嘅瀏海頭3名，快睇睇自己嘅瀏海有冇上榜啦～

No 3. 空氣瀏海

咩話﹖竟然係現時最流行嘅空氣瀏海﹖原來男生們多數認為呢種瀏海油膩膩，似多日冇洗頭咁，所以瀏海分成咗一枝枝⋯⋯對於呢種可愛感似乎唔太欣賞！

No 2. 齊瀏海

男生唔明齊瀏海其實都能理解嘅，因為呢種妹妹頭唔係太可愛，就係太前衛。而且呢種髮型唔係人人都能carry，除非真係小妹妹或者好有個性嘅人，各位都係避免剪妹妹頭喇～

No 1. 眉毛以上嘅短瀏海

第一位就係眉毛以上嘅短瀏海！明明就好可愛又時尚，而且超有個性，但男仔就係覺得好似剪錯咗咁，完全睇唔明，小編亦都真係唔明呀！

算啦，反正男生嘅審美觀本來就很難明，大家覺得好睇又鍾意就OK啦！

Photo source：Pinterest